Ny tetikasanay

Fantaro ireo hetsika sy ireo ezaka misy fiantraikany ataon’ny Fikambanana Mampiely Baiboly Malagasy. Miaraha aminay amin’ny ezaka ataonay hampiaina ny Tenin’Andriamanitra sy hanova ny fiainan’ny olona sy ny vondrom-piarahamonina manerana an’i Madagasikara.
Tohano ny tetikasanay

Fianarana ny Baiboly

Maro ny ministera kristiana eto Madagasikara, ary maro ny fiangonana kristiana natsangana tao anatin’ny folo taona farany. Ity toe-javatra ity dia mitaky ny mpitarika kristiana hanana fahalalana lalina momba ny Soratra Masina. Araka ny iraka ataony – hanomezana fitaovana ara-baiboly ho an’ny kristiana – ny Fikambanana Mampiely Baiboly Malagasy dia miasa amin’ny tetikasa Baiboly Fianarana mba hamaliana izany filàna izany, mba hahafahan’ny kristiana mahazo fahatakarana tsara kokoa ny Soratra Masina. Ity koa no Baiboly Fianarana voalohany izay ahitana teolojiana maro avy amin’ny finoana samihafa eto Madagasikara.

Sambatra ny Mahavaky Teny

Ny tsy fahaizana mamaky teny sy manoratra dia iray amin’ireo antony lehibe mahatonga ny fahantrana lalina. Eto Madagasikara, ny Tetikasa Nasionaly momba ny Fahaizana Mamaky Teny sy Manoratra dia mikendry ny hampihena ny tahan’ny tsy fahaizana mamaky teny sy manoratra eo amin’ny olon-dehibe mihoatra ny 15 taona, avy amin’ny 35.35% ho 27.5% tamin’ny taona 2015. Na dia tsy tanteraka aza izany, ny Fikambanana Mampiely Baiboly Malagasy (FMBM) dia miasa ihany koa mba hampihena izany tahan’ny tsy fahaizana mamaky teny sy manoratra izany ho 25% farafahakeliny amin’ny taona 2030. Izany dia hisy fiantraikany amin’ny sehatra maro ao amin’ny vondrom-piarahamonina, toy ny fanabeazana, fahasalamana ary toekarena.

Fiinoana azo avy amin’ny fihainona (FIAFI)

Mba hampielezana any amin’ny faritra lavitra sy hanaparitahana ny Filazantsara dia miara-miasa amin’ny Hosanna Ministries ny FMBM amin’ny alalan’ny Soratra Masina henoina. Tena ilaina izany, satria mbola mitohy ny asa atao amin’ny fampihenana ny tahan’ny tsy fahaizana mamaky teny sy manoratra eto amin’ny firenena.
Noho izany, dia natsangana ny Vondronm-pihainona mba hanampiana ny kristiana hianatra ny Baiboly sy hitarika azy ireo amin’ny fomba hiainana ny Tenin’Andriamanitra amin’ny fiainany andavanandro.

Tetikasa Fandikana ny Baiboly amin’ny teny Antemoro

Ity tetikasa manokana ity dia natao hanomezana ny Testamenta Vaovao ho an’ny olona ao amin’ny Distrikan’i Manakara, any atsimo-atsinanan’i Madagasikara. Na dia misy aza ny Baiboly Malagasy ofisialy, dia hitanay fa indraindray misy ny tsy fahazoana tsara ny teny sasany ampiasaina amin’ny fandikana ny Soratra Masina. Ny Foko Antemoro dia ahitana mpiteny manodidina ny 800,000 izay tena mora tohina amin’ny Fivavahana amin’ny Razana sy ny Silamo.

Ankizy Tia Baiboly

Ny tetikasa Ankizy tia Baiboly dia natao hanamorana ny fandraisan’ny taranaka ho avy anjara amin’ny iraka ataon’ny FMBM. Ny ankizy 3 ka hatramin’ny 12 taona no voakasika voalohany amin’ity tetikasa ity satria mora mandray sy mianatra ny ankizy amin’io taona io. Ny fampidirana azy ireo amin’ny Baiboly sy Jesosy amin’ity dingana ity dia manomana azy ireo hahatakatra ny fototry ny finoana kristiana, ka manamora ny fampidirana azy ireo amin’ny fiainana ny finoana. Satria ny ankizy amin’ity vanim-potoana ity koa dia manana fahalianana amin’ny tantara sy ny famakiana, ny fanomezana azy ireo fahafahana miditra amin’ny Baiboly dia mahasoa amin’ny fanabeazana ara-panahy azy ireo.